మహబూబ్‌నగర్‌: కౌకుంట్ల మండలం పేరూరు గ్రామంలో 1950 జూన్‌లో స్థాపించిన జిల్లాపరిషత్‌ ఉన్నత పాఠశాల (జెడ్‌పీహెచ్‌ఎస్‌) 2026 ఏప్రిల్ నాటికి 75 ఏళ్లు పూర్తి చేసుకోనుంది. మౌలిక వసతులతో రూరల్‌ స్కూల్‌గా ప్రారంభమై వేలాది మంది విద్యార్థుల భవిష్యత్తుకు మార్గనిర్దేశం చేస్తూ గ్రామానికి వెన్నుదన్నుగా నిలిచింది. వజ్రోత్సవ వేడుకల్లో భాగంగా ఏప్రిల్ 19న పూర్వ విద్యార్థుల సమ్మేళనం నిర్వహించేందుకు ఏర్పాట్లు చేస్తున్నారు.ఆదివారం జరిగిన నాల్గవ ఆర్గనైజింగ్ కమిటీ సమావేశంలో మాజీ విద్యార్థులు ఈవెంట్ షెడ్యూల్, నిధుల సమీకరణ, పూర్వ విద్యార్థుల భాగస్వామ్యం, పాఠశాల భవిష్యత్తు అభివృద్ధి ప్రణాళికలు వంటి కీలక అంశాలపై చర్చించి కీలక నిర్ణయాలు తీసుకున్నారు. పూర్వ విద్యార్థుల మద్దతు, ఐక్యతతో సంస్థ మరో బంగారు దశలోకి అడుగుపెట్టబోతోందని నిర్వాహక కమిటీ సభ్యులు విశ్వాసం వ్యక్తం చేశారు.
