ఖమ్మం: విజయవాడలోని లయోలా కళాశాల మైదానంలో ఆంధ్రప్రదేశ్‌ స్పోర్ట్స్ జర్నలిస్ట్స్‌ అసోసియేషన్‌ ఆధ్వర్యంలో జరిగిన క్రికెట్‌ టోర్నమెంట్‌లో విజేతగా నిలిచిన తెలంగాణ స్పోర్ట్స్ జర్నలిస్టుల బృందాన్ని దేవాదాయ శాఖ మంత్రి పొంగులేటి శ్రీనివాస్‌రెడ్డి అభినందించారు. తెలంగాణ జట్టుకు అంతర్ రాష్ట్ర టైటిల్‌ను అందించిన ఖమ్మంకు చెందిన జర్నలిస్టు మానుకొండ రవికిరణ్ (hmtv జిల్లా స్టాఫ్ రిపోర్టర్)ను మంత్రి అభినందించారు. జిల్లాకు చెందిన ఓ జర్నలిస్టు అంతర్రాష్ట్ర స్థాయిలో తెలంగాణ పక్షాన్ని గెలిపించడం ఖమ్మంకు గర్వకారణమన్నారు.
క్రీడా కార్యకలాపాలు మానసిక ఉల్లాసాన్ని అందించడమే కాకుండా జర్నలిస్టుల మధ్య స్నేహాన్ని పెంపొందించాయని, రెండు తెలుగు రాష్ట్రాలకు చెందిన మీడియా ప్రతినిధుల మధ్య స్నేహపూర్వక సంబంధాలను పెంపొందించాయని పొంగులేటి అన్నారు.
భవిష్యత్ టోర్నీల్లో తెలంగాణ స్పోర్ట్స్ జర్నలిస్టుల జట్టు మరిన్ని విజయాలు సాధించాలని ఆకాంక్షించారు.
కాగా, కేంద్ర మంత్రి బండి సంజయ్‌కుమార్‌తో పాటు మంత్రులు వాకిటి శ్రీహరి, తుమ్మల నాగేశ్వరరావు, ఎంపీ ఆర్‌.రఘురామ్‌రెడ్డి బృందాన్ని అభినందించారు.
