గర్భాశయ క్యాన్సర్‌ను నివారించే లక్ష్యంతో భారతదేశం అంతటా HPV టీకా కార్యక్రమం ప్రారంభమైంది. కేంద్ర ప్రభుత్వం దేశవ్యాప్తంగా 14 నుంచి 15 ఏళ్లలోపు బాలికలకు ఈ డ్రైవ్‌ను ప్రారంభించింది. రాజస్థాన్‌లో జరిగిన జాతీయ కార్యక్రమంలో ప్రధాని నరేంద్ర మోదీ ఈ కార్యక్రమాన్ని ప్రారంభించారు.
తెలుగు రాష్ట్రాల్లోనూ ఈ కార్యక్రమం మొదలైంది. హైదరాబాద్‌లోని కింగ్‌కోఠి జిల్లా ఆస్పత్రిలో టీకాలు వేసే కార్యక్రమంలో తెలంగాణ మంత్రి దామోదర రాజ నరసింహ పాల్గొన్నారు. ఆంధ్రప్రదేశ్‌లోని విజయనగరం జిల్లా చీపురాపల్లి సామాజిక ఆరోగ్య కేంద్రంలో వ్యాక్సినేషన్‌ను ప్రారంభించేందుకు ముఖ్యమంత్రి చంద్రబాబు నాయుడు కార్యక్రమానికి హాజరయ్యారు.
ఈ ప్రచారంలో భాగంగా దేశవ్యాప్తంగా మొత్తం 1.15 కోట్ల మంది బాలికలకు టీకాలు వేయనున్నట్లు కేంద్ర ఆరోగ్య మంత్రిత్వ శాఖ ప్రకటించింది.
