హైదరాబాద్: రాష్ట్రవ్యాప్తంగా 180కి పైగా స్నాచింగ్‌ కేసుల్లో ప్రమేయం ఉన్న 43 ఏళ్ల కరుడుగట్టిన చైన్ స్నాచర్‌ను సైఫాబాద్ పోలీసులతో పాటు సెంట్రల్‌ క్రైమ్‌ స్టేషన్‌లోని హైదరాబాద్ స్పెషల్‌ క్రైమ్‌ బృందం పట్టుకుంది.
అరెస్టయిన నిందితులను ఆసిఫ్ నగర్‌లోని మురాద్ నగర్‌లో నివాసం ఉంటున్న మహ్మద్ ఫైసల్ షా అలీ జాబ్రీ అలియాస్ అబ్దుల్లా, సోహైల్, అల్తాఫ్‌లుగా గుర్తించారు. పోలీసులు తెలిపిన వివరాల ప్రకారం.. 2023లో సైఫాబాద్, మొగల్‌పురా, చార్మినార్, నాంపల్లి పోలీస్ స్టేషన్ల పరిధిలో వరుస బంగారు చైన్ స్నాచింగ్‌లకు పాల్పడిన ఫైసల్ అప్పటి నుంచి పరారీలో ఉన్నాడు. అతనిపై 14 నాన్ బెయిలబుల్ వారెంట్లు పెండింగ్‌లో ఉన్నాయి.
తెలంగాణ రాష్ట్రవ్యాప్తంగా 180కి పైగా స్నాచింగ్‌ కేసుల్లో ఫైసల్ పేరుమోసిన, అలవాటైన నేరస్థుడని సీసీఎస్‌ స్పెషల్‌ క్రైమ్‌ టీమ్‌ ఏసీపీ జీ వెంకటేశ్వర్‌ రెడ్డి తెలిపారు.
పలు కేసుల్లో అతడిపై పలు వారెంట్లు పెండింగ్‌లో ఉండటంతో పరారీలో ఉన్నాడు. పోలీసులకు చిక్కకుండా ఉండేందుకు ఫైసల్ బెంగళూరుకు పరారీ అయ్యాడు. అక్కడి నుంచి రాయచోటి టౌన్‌కు వెళ్లి అక్కడ కొన్ని రోజులుగా మకాం వేసి ఆంధ్రప్రదేశ్‌లోని రాయచోటి, చెన్నూరు పోలీస్ స్టేషన్ల పరిధిలో మరో మూడు చైన్ స్నాచింగ్‌లకు పాల్పడ్డాడు. పక్కా సమాచారం మేరకు రంగంలోకి దిగిన స్పెషల్‌ క్రైమ్‌ టీమ్‌, స్థానిక పోలీసులు మంగళవారం అతడిని అరెస్ట్ చేశారు.
