హైదరాబాద్: ఉస్మానియా వైద్య బృందం ఒక రోగికి ఐదు మార్పిడి శస్త్రచికిత్సలు పూర్తి చేసి చారిత్రాత్మక విజయం సాధించడం పట్ల ఆరోగ్య శాఖ మంత్రి సి దామోదర రాజ నరసింహ బుధవారం సంతోషం వ్యక్తం చేశారు.
దేశంలోనే తొలిసారిగా ఈ సంక్లిష్ట శస్త్ర చికిత్సను విజయవంతంగా నిర్వహించడం తెలంగాణ ప్రజారోగ్య రంగ ప్రతిష్టను మరింత పెంచిందని మంత్రి పేర్కొన్నారు. ప్రాణాలను కాపాడేందుకు అంకితభావంతో కృషి చేసిన వైద్యులు, అనస్థీషియా, నర్సింగ్, క్రిటికల్ కేర్ మరియు ఇతర సిబ్బందిని ఆయన ప్రత్యేకంగా అభినందించారు.
ప్రభుత్వ ఆసుపత్రుల్లో అత్యాధునిక, ప్రపంచ స్థాయి వైద్యసేవలు అందుబాటులోకి వస్తున్నాయనడానికి ఉస్మానియా వైద్యుల ఈ అద్భుతమైన ఫీట్ నిదర్శనమని మంత్రి అన్నారు.
తెలంగాణ ప్రభుత్వం ప్రజారోగ్య సంరక్షణ రంగాన్ని మరింత పటిష్టం చేయడంతోపాటు అత్యున్నత స్థాయి వైద్య సేవలను ప్రజలకు అందుబాటులోకి తీసుకువస్తోందని తెలిపారు.
